Америка авиакомпаниялари ва юк ташувчилари АҚШ президенти Жо Байден администрациясини 5G алоқа тармоқлари инфратузилмаларининг аэропортлар яқинига жойлаштирилиши юзлаб рейсларнинг бекор қилинишига олиб келиши мумкинлиги ҳақида огоҳлантирди, деб хабар беради «Интерфакс».
Маҳаллий ОАВлар таянган бу борадаги мактубни йирик авиакомпаниялар раҳбарлари Оқ уй Миллий иқтисодий кенгаши директори Брайан Дизга, транспорт вазири Пит Буттижичга, АҚШ Фуқаролик авиацияси федерал бошқармаси (FАА) раҳбари Стивен Диксон ва Алоқа бўйича федерал комиссия раиси Жессика Розенворселга юборган.
«Авиайўловчилар, юк жўнатувчилар, етказиб бериш занжири ва зарурий тиббиёт воситаларини етказишга таъсир кўрсатадиган ишдаги сезиларли узилишлардан қочиш учун зудлик билан аралашув керак», — дейилади мактубда.
Унда таъкидланишича, 5G юзага келтирадиган C-диапазон самолётлардаги ускунларнинг ишида узилишларни юзага келтиради, бу эса ўз навбатида АҚШ ҳаво флотида «улкан участкалар»нинг яроқсизлигига сабаб бўлади.
Мактуб муаллифлари FАА самолётларнинг хавфсиз парвози учун бошқа усул топмагунига қадар 5G алоқа тармоғини аэропортларга 2 мил масофага яқинлаштирмасликка чақирган.
Фуқаролик авиацияси федерал бошқармаси 16 январь куни АҚШдаги тижорий самолётлар паркининг тахминан 45 фоизи янги 5G хизматда аэропортларга кўрувчанлик паст бўлган шароитда қўнишни амалга ошира бошлашини айтган.
«Бу масалан, кеча 1,1 мингдан ортиқ рейс бекор қилинган, бошқа жойга йўналтирилган ёки кечиктирилган бўлиши мумкинлигини англатади», — деб ёзади Delta Airlines, United Airlines, FedEx, UPS ва бошқа авиакомпаниялар раҳбарлари томонидан имзоланган хатда.
Изоҳ (0)