Швеция жанубидаги Уппсала шаҳрида омикрон штаммининг мутация аниқланди, деб хабар беради SVT Nyheter телеканали.
Омикроннинг янги варианти ҳақида Уппсаладаги Академик лаборатория маълум қилган. Мутация 14 январь куни рўйхатдан ўтказилган бўлиб, у уч нафар беморда аниқланган.
Лабораториядагиларнинг таъкидлашича, ҳозирча омикрон штаммининг мазкур кенжа тури ўзидан олдингиси билан рақобат қилиши ёки қила олмаслиги номаълум.
Омикроннинг янги мутацияси BА.2 номини олган. Телеканал маълумотларига кўра, мазкур мутация Дания, Норвегия ва Ҳиндистоннинг Калькуттасида ҳам аниқланган.
Аввалроқ Moderna бир неча ҳафта ичида омикронга қарши вакцинанинг клиник синовларини бошлаши, Пекинда омикрон штамми билан касалланишнинг дастлабки ҳолати қайд этилгани, Бельгия ва Чехияда коронавирус чекловларига қарши норозилик акцияси бўлиб ўтгани тўғрисида хабар берилганди.
Коронавируснинг янги омикрон штамми биринчи марта 11 ноябрь куни Жанубий Африкада топилган. Британиялик олимларнинг таъкидлашича, янги штамм тарқалиш тезлиги туфайли аввалгиларига, жумладан, дельтага қараганда хавфлироқ бўлиши мумкин. Жаҳон соғлиқни сақлаш ташкилоти мавжуд вакциналар ушбу штаммга қарши самарасиз бўлиши мумкин, деган шубҳалар туфайли омикронни хавфли деб тан олди. Ташкилот, шунингдек, илгари коронавирусни бошдан ўтказганларда омикрон билан қайта касалланиш эҳтимоли юқорилигини маълум қилди.
Изоҳ (0)