Ортиқча вазндан қутулишга қарор қилганлар дарҳол асосий қоидаларни ёдга олади. Эҳтимол, улар ҳақида ҳамма билса керак. Бироқ тез фурсатда вазн йўқотиш бўйича машҳур маслаҳатларнинг аксарияти ёрдам бермайди. Чиндан ҳам натижага эришишни истаганлар нималарни ёддан чиқариши кераклиги ҳақида қуйида маълум қиламиз.
18:00 дан кейин овқатланмаслик
18:00 дан кейин, ҳатто ярим тунда ҳам овқатланиш мумкин. Шуни ёдда тутиш керакки, фақат юқори калорияли, ёғли ва шакарли таомлар кечқурун истеъмол қилинмайди.
Кунига икки литр сув ичиш керак
Сув танадаги ёғларнинг парчаланишига таъсир қилмайди. Агар истеъмол қилинган озиқ-овқатнинг калория таркиби назорат қилинмаса, ҳеч қандай ичимлик режими озишга ёрдам бермайди.
Бир хил парҳез такроран ёрдам бермайди
Ҳар қандай парҳез ва калорияларни камайтириш вазн ташлашга ёрдам беради. Аммо битта парҳезга қайта риоя қилиш психологик жиҳатдан қийинроқ. Бу кундалик одатга айланади ва одамнинг иштиёқи пасаяди. Бундай вазиятда қўшимча мотивация олиш, мақсадлар қўйиш ва бошлаган ишни охиригача етказиш муҳимдир.
«Метаболизмим бузилган, шунинг учун вазн йўқотмаяпман»
«Озғин одамлар учун ҳамма нарса печдаги каби эриб кетади, лекин мен кичик бўлакдан ҳам семираман» — бу ҳам навбатдаги асоссиз фикр, чунки катта вазнли одамларда метаболик жараёнлар анча фаолроқ бўлади.
Ортиқча вазн ирсиятга боғлиқ
Бош суяги бўлган скелетнинг оғирлиги 12, бош суягисиз 6 килограммни ташкил қилади. Сувсиз суяклар эса 3 килограмм. Ирсиятга келсак, ҳақиқатан ҳам килограмм ортишига мойил бўлган хромосомалар мавжуд ва 98 фоиз одам бунга эга. Аммо у фақат ёғ ҳужайрасининг кўпайиши билан боғлиқ. Шунинг учун ҳаммаси фақат инсоннинг ўзига ва одатларига боғлиқ.
Ёш ўтган сайин вазн йўқотиш қийинлашади
Ортиқча вазндан халос бўлиш ҳар қандай ёшда самарали. Фақат 65 ёшдан кейин бу борада кўпроқ эҳтиёт бўлиш ва мутахассис билан маслаҳатлашиш керак.
Очлик ёки монодиета ёрдам беради
Очлик ва монодиеталар (битта маҳсулотдан истеъмол қилишга асосланган диеталар) организмни оч қолдириш туфайли янада кўпроқ килограмм йўқотишга олиб келади. Ҳа, одамлар вазн йўқотади, лекин фақат сув ва мушак массаси ҳисобига. Ҳар қандай монодиеталар мушак массасини йўқ қилиши ва метаболик жараёнларни секинлаштириши мумкин.
Кичик бир луқмадан одам семирмайди
Кичик бир луқма ҳам калория манбаи бўлиши мумкин. Кўпинча ўлчам муҳим эмас. Ортиқча вазнли одамлар одатда оз-оздан истеъмол қилади, аммо семиришда давом этади.
Баҳорда ёки душанбадан бошлаб вазн йўқотган яхши
Бу каби ўз тасдиғини топмаган фикрлар жуда ҳам кўп: Янги йилдан кейин, баҳор ёки кузда вазн йўқотиш осонроқ бўлади, душанбадан бошлаб 100 фоиз натижага эришиш мумкин. Бу билан фақатгина вазн камайтириш режаси ортга сурилади, аслида, ҳозирданоқ вазн йўқотишни бошлаш мумкин. Чунки ҳар кимнинг вазни ва ўлчами бутунлай ўзига боғлиқ.
Изоҳ (0)