Қашқадарёда Nexia «КамАЗ» тиркамасига урилиб, йўл-транспорт ҳодисаси содир этди, дея хабар қилмоқда вилоят ИИБ матбуот хизмати.
Қайд этилишича, 2022 йил 11 январь куни соат 05:30 ларда Нишон тумани «Кўксой» МФЙ ҳудудидаги йўлда Nexia ҳайдовчиси Қарши шаҳри томондан Нишон шаҳри томон ҳаракатланиб кетаётган вақтда шу йўлнинг ўнг томонидан ҳаракатланиб чиққан «КамАЗ»нинг орқа тиркамасига урилган.
ЙТҲ оқибатида Nexia ҳайдовчиси ва йўловчиси оғир тан жароҳати олиб, вафот этган. Яна бир йўловчи эса оғир тан жароҳати билан шифохонага ётқизилади.
Мазкур ҳолат юзасидан Жиноят кодексининг 266-моддаси 3-қисми «а» банди (одамлар ўлимига сабаб бўлган транспортдан фойдаланиш қоидаларини бузиш) билан жиноят иши қўзғатилиб, тергов ҳаракати олиб борилмоқда.
Мавзуга доир:
- «Ароқ, пиво ичибман. Кейин ‘вообше‘ ўчиб қолибман». Тўхтатиш учун ўқ отилган Malibu ҳайдовчиси воқеа тафсилотларини гапириб берди (видео)
- Наманганда Nexia каналга тушиб кетди, Фарғонада Lacetti велосипедчининг ҳаётига зомин бўлди. Бахтсиз ҳодисалар тафсилотлари
- Фото: Қашқадарёда «Москвич» ортиб олган «Москвич»
Изоҳ (0)