Қашқадарё вилоятида 14 январь — Ватан ҳимоячилари куни кенг нишонланди. Вилоятнинг Ғузор туманида бўлиб ўтган байрам тадбирида қатнашган «Дарё» мухбири тадбирнинг эътиборга молик жиҳатларини суратга олди.
Қайд этилишича, туманда бўлиб ўтган Ватан ҳимоячилари кунида эстрада хонандаси Равшан Собиров ҳам қатнашиб, Ватан ҳимоясига чорловчи «Аскар» қўшиғини куйлаган.
Тадбирда 2018 йилнинг август ойидан 2020 йилнинг апрель ойига қадар Ғузор тумани прокурори, 2020 йилдан айни кунга қадар туман ҳокими сифатида ишлаб келаётган Бекзод Суюнов ҳарбий кийимда кўриниш берган.
«Ватан ҳақидаги, йигитларни аскарликка чорловчи тароналар ҳар бир юртдошимиз қалбига ўзгача таъсир қилади. Бугун ўзимда шуни ҳис қилдим. Ватан ҳақидаги, ватанпарварлик ҳақидаги қўшиқларни тинглаб, Ўзбекистондек юртда яшаётганимдан фахрланиб кетдим. Тадбирда чиқиш қилган ҳарбийларнинг эпчиллик билан ҳаракатланиши Ватанимиз ҳимояси мард, жасур ўғлонлар қўлида эканига яна бир марта ишонч уйғотди», — дейди тадбирда қатнашган блогер Умид Каримов.
Изоҳ (0)