Футбол бўйича Испания Суперкубогининг ярим финал баҳслари 12 ва 13 январь кунлари ўтказилди.
Дастлабки ярим финалда «Реал» қўшимча бўлимларгача чўзилган ўйинда «Барселона»ни мағлуб этган (3:2) бўлса, кейинги ўйинда «Атлетик» жамоаси «Атлетико» устидан иродали ғалабага (2:1) эришди.
Шу тариқа Ла Лиганинг амалдаги чемпиони ва Испания Кубоги соҳиби мусобақа билан хайрлашди.
16 январь куни бўлиб ўтадиган финалда «Реал Мадрид» ва «Атлетик Б» жамоалари ўзаро тўқнаш келади. Учрашув Тошкент вақти билан 23:30 да бошланади.
Шу вақтга қадар «Атлетик» ва «Реал» 8 марта финалларда тўқнаш келган. Уларнинг 6 тасида билбаоликларнинг қўли баланд келган ва атиги икки финал Мадрид жамоаси фойдасига ҳал бўлган. Мазкур финалларнинг барчаси Испания Кубоги доирасида бўлиб ўтган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)