«ПСЖ» ҳужумчиси Лионель Месси коронавирус инфекциясидан кейин тикланишда давом этмоқда.
Mundo Deportivo нашрининг хабар беришича, аргентиналик футболчи жамоадан алоҳида машғулотларни давом эттирмоқда ва Лига 1 нинг 21-тури доирасида 15 январь куни бўлиб ўтадиган «Брест»га қарши ўйинда иштирок этмайди.
Шунингдек, 34 ёшли Месси Аргентина терма жамоасининг ЖЧ—2022 саралашидаги Чили (28 январь) ва Колумбияга (1 февраль) қарши ўйинларини ҳам ўтказиб юбориши қўшимча қилинган.
Эслатиб ўтамиз, 2 январь санасида Мессининг коронавирусга чалингани хабар қилинганди. Ҳужумчи охирги марта 2021 йилнинг 22 декабрь куни «ПСЖ»нинг «Лорен»га қарши ўйинида (1:1) майдонга тушган.
Месси 2021/22 йилги мавсумда барча мусобақалар доирасида 16 ўйинда майдонга тушиб, 6 та гол ва 5 та голли узатмага муаллифлик қилди.
Изоҳ (0)