«Интер» ва «Ювентус» жамоалари 12 январь, чоршанба куни Италия Суперкубоги учун ўзаро баҳс олиб борди.
Учрашувнинг 25-дақиқасида Уэстон Маккенни туринликларни ҳисобда олдинга олиб чиққан бўлса, орадан ўн дақиқа ўтиб Лаутаро Мартинес пенальтини аниқ амалга оширган ҳолда мувозанатни тиклади.
Асосий вақтнинг қолган дақиқаларида ҳисоб ўзгармади ва қўшимча бўлимларга мурожаат қилинди. Қўшимча бўлимлар якунланиши арафасида Алексис Санчес мезбонларнинг ҳужумини гол билан якунлади ва миланликларга Суперкубокни олиб келди.
Шу тариқа «Интер» ўз тарихида олтинчи марта Италия Суперкубогига эга чиқди.
Италия Суперкубоги
12 январь, чоршанба
«Интер» — «Ювентус» 2:1
Голлар: 0:1 – 25 Маккенни, 1:1 – 35, пенальти Мартинес, 120+1 Санчес.«Интер»: Ҳанданович, Думфрис (Дармиан, 89), де Врей, Шкриньяр, Бастони, Перишич (Димарко, 100), Брозович, Чалхонўғлу, Барелла (Видаль, 89), Жеко (Корреа, 76), Мартинес (Санчес, 75).
«Ювентус»: Перин, Де Шилё, Кьеллини, Ругани, Алекс Сандро, Маккенни, Рабьо, Локателли (Бентанкур, 90), Кулусевски (Дибала, 74), Бернардески (Артур, 79), Мората (Кин, 88).
Огоҳлантиришлар: Бернардески (43), Жеко (60), Дибала (105), Корреа (106), Ругани (109), Видаль (118).
Изоҳ (0)