Ўзбекистон ташқи ишлар вазири Абдулазиз Комилов 12 январь куни АҚШ давлат котибининг Жанубий ва Марказий Осиё ишлари бўйича ёрдамчиси Дональд Лу билан телефон орқали мулоқот қилди, деб хабар бермоқда «Дунё» агентлиги.
ТИВ маълумотига кўра, суҳбат чоғида Ўзбекистон—АҚШ ҳамкорлигининг долзарб масалалари, илгари эришилган келишувлар ижроси ва келгусидаги тадбирлар жадвали муҳокама қилинган.
Томонлар халқаро ва минтақавий масалалар юзасидан ҳам фикр алмашган.
Эслатиб ўтамиз, 2021 йил 13 декабрь куни ташқи ишлар вазири Абдулазиз Комилов Ўзбекистон билан АҚШ ўртасидаги Стратегик шериклик мулоқотининг биринчи мажлисида иштирок этиш учун Тошкент шаҳрига келган АҚШ давлат котибининг Жанубий ва Марказий Осиё масалалари бўйича ёрдамчиси Дональд Лу билан учрашган эди.
Учрашувда АҚШ томони янги Ўзбекистонда олиб борилаётган демократик ўзгаришлар ва ижтимоий-иқтисодий ислоҳотлар дастурини қўллаб-қувватланишини маълум қилганди.
Аввалроқ Абдулазиз Комилов Швецияда ЕХҲТ бош котиби билан учрашгани, Абдулазиз Комилов Эрон президенти билан Афғонистондаги вазиятни муҳокама қилгани тўғрисида хабар берилганди.
Изоҳ (0)