O‘zbekiston tashqi ishlar vaziri Abdulaziz Komilov 12-yanvar kuni AQSh davlat kotibining Janubiy va Markaziy Osiyo ishlari bo‘yicha yordamchisi Donald Lu bilan telefon orqali muloqot qildi, deb xabar bermoqda “Dunyo” agentligi.
TIV ma’lumotiga ko‘ra, suhbat chog‘ida O‘zbekiston—AQSh hamkorligining dolzarb masalalari, ilgari erishilgan kelishuvlar ijrosi va kelgusidagi tadbirlar jadvali muhokama qilingan.
Tomonlar xalqaro va mintaqaviy masalalar yuzasidan ham fikr almashgan.
Eslatib o‘tamiz, 2021-yil 13-dekabr kuni tashqi ishlar vaziri Abdulaziz Komilov O‘zbekiston bilan AQSh o‘rtasidagi Strategik sheriklik muloqotining birinchi majlisida ishtirok etish uchun Toshkent shahriga kelgan AQSh davlat kotibining Janubiy va Markaziy Osiyo masalalari bo‘yicha yordamchisi Donald Lu bilan uchrashgan edi.
Uchrashuvda AQSh tomoni yangi O‘zbekistonda olib borilayotgan demokratik o‘zgarishlar va ijtimoiy-iqtisodiy islohotlar dasturini qo‘llab-quvvatlanishini ma’lum qilgandi.
Avvalroq Abdulaziz Komilov Shvetsiyada YXHT bosh kotibi bilan uchrashgani, Abdulaziz Komilov Eron prezidenti bilan Afg‘onistondagi vaziyatni muhokama qilgani to‘g‘risida xabar berilgandi.
Izoh (0)