Тошкентда 13 январь куни Ўзбекистон Қуролли Кучларининг 30 йиллиги ва Ватан ҳимоячилари кунига бағишлаб ҳарбий хизматчилари иштирокида байрамона юриш бўлиб ўтади. Бу ҳақда Мудофаа вазирлиги матбуот хизмати хабар берди.
Маълум қилинишича, байрамона саф билан юриш Тошкент вақти билан соат 10:00 да «Туркистон» санъат саройи олдидан бошланади. Йўналиш давомида Навоий, Шароф Рашидов ва Ислом Каримов кўчалари бўйлаб 3400 метр масофа босиб ўтилади ва «Халқлар дўстлиги» санъат саройи олдида тугайди.
Соат 11:00 дан «Халқлар дўстлиги» майдонида ҳарбий оркестр, ҳарбий ансамбл ва таниқли санъаткорлар иштирокида тантанали концерт дастурлари бошланади.
Аввалроқ Ўзбекистондаги ҳарбий бўлинмаларнинг бевосита реал жанговар вазиятларга яқинлаштирилган ҳолда қўққисдан жанговар тайёргарлигини текшириш тадбирлари сони 2021 йилда ўтган йилгига нисбатан икки баробарга ошгани тўғрисида хабар берилганди.
Изоҳ (0)