Европа аҳолисининг 50 фоиздан кўпроқ қисми яқин 6-8 ҳафта ичида омикрон штамми билан касалланиши мумкин. Бу ҳақда Жаҳон соғлиқни сақлаш ташкилоти Европа минтақавий бюроси директори Ханс Клюге маълум қилди.
Клюге «омикрон»нинг Европада тарқалиши ҳақида прогнозни АҚШнинг кўрсаткичлар ва соғлиқни баҳолаш институти маълумотларига таянган ҳолда махсус пресс-брифингда айтиб ўтган.
Клюге айни вақтда мавжуд вакциналар касалликнинг оғир оқибатлари ва ўлим ҳолатларининг олдини олишда яхши ҳимояни таъминлаб бера олишини таъкидлаган.
Бироқ у «омикрон»нинг жуда тез тарқалиб бораётгани шифохоналарда беморлар кўпайишига ва умумий олиб айтганда соғлиқни сақлаш тизимига оғир юклама беришини қайд этган.
Мавзуга доир:
Аввал Япониянинг хорижликларнинг мамлакатга кириши учун қўйилган тақиқни февраль охиригача узайтириши, Кипрда «дельта» ва «омикрон» штаммларининг гибриди аниқлангани, дунёда коронавирусга чалинганлар сони 300 миллиондан ошгани, Ҳиндистонда «омикрон» штаммидан биринчи ўлим қайд этилгани ҳақида хабарлар берилган.
Изоҳ (0)