Янги йил зиёфатига кўйлакдан бошқа нима кийса бўлади? (фото)

Байрам оқшомида қандай образда кўриниш беришни билмаётган аёл ва қизларга Marie Claire нашрининг тавсиялари асқатиши аниқ.

Костюм

Жиддий услубдаги костюм-шим ҳам Янги йилни кутиб олиш учун яхши вариант. Унинг матоси ялтироқ ёки оддий бўлиши хоҳишингизга боғлиқ. Бахмал матосидан тикилган вариантни босоножка ва клатч билан мосласангиз бўлади.

Ичидан оқ ёки бошқа кофта кийиш мумкин бўлган смокинг ҳам яхши танлов бўла олади. Классик бичимли костюм-шим, пошнали туфли ва узунроқ турадиган зирак билан ноодатий образ ярацангиз ҳам бўлади.

Комбинезон

Атлас, бахмал ёки сатиндан тикилган комбинезон байрам либоси ўрнига энг яхши вариант бўла олади. Бичимидан қандай бўлишидан қатъи назар, комбинезон билан баланд пошнали пойабзал кийиш керак.

Аксессуар сифатида йирик зирак ва ултразамонавий сумкадан фойдалансангиз бўлади.

Топ ёки кофта билан юбка

Бундай образда Иордания қироличаси Рания сингари исталган рангларни умумлаштириб, ўзига хос образ ярацангиз бўлади. Ортиқча харид қилишингизга эса ҳожат бўлмайди, гардеробингиздаги исталган кийим-кечакни бир-бирига мосласангиз бўлади.

Пошнали туфли ёки ботилён билан эса янада ўзига хос кўринишингиз аниқ.

Кофта ва шим

Шим ва кофталарни мослаб чиройли кўриниш мумкинлигини Жулия Робертс ва Розамунд Пайкнинг образларидан билса бўлади. Бу борада ҳам истаганингизча танлов қилишингиз мумкин.

Кофтанинг бўйин қисмида боғичи борини, шимни эса чарм, замш, ёки бахмалдан тикилганини кийсангиз бўлади. Пойабзал сифатида эса этик ва туфлиларнинг баланд моделини кийиш тавсия қилинади.