Футбол бўйича Испания Ла Лигасининг 20-туридан ўрин олган ўйинда «Реал» 8 январь, шанба куни «Валенсия»га қарши баҳс юритди.
«Сантьяго Бернабеу»да ўтган ўйинда умумий ҳисобда 5 та гол киритилди. Дастлаб биринчи бўлим якунланиши арафасида Карим Бензема ҳисобни очган бўлса, 52 ва 61-дақиқаларда Винисиус Жуниор кетма-кет икки бор дарвозани ишғол этиб, дублни расмийлаштирди. Шундан сўнг меҳмонлар Гонсалу Гедешнинг голи эвазига ҳисобни қисқартиришга эришди. 88-дақиқада эса Бензема ўзининг ўйиндаги иккинчи, жамоасининг эса тўртинчи голини уриб, беллашувга якуний нуқтани қўйди.
Ушбу ғалабадан кейин «Реал»нинг очколари сони 49 тага етди, жамоа мусобақа жадвалида карвонбошилик қилмоқда. 9-ўриндаги «Валенсия»нинг ҳисобида 28 очко мавжуд.
Ла Лига
20-тур баҳси
8 январь, шанба
«Реал» — «Валенсия» 4:1
Голлар: 1:0 – 43, пенальти Бензема, 2:0 – 52 Винисиус Жуниор, 3:0 – 61 Винисиус Жуниор, 3:1 – 76 Гедеш, 4:1 – 88 Бензема.«Реал»: Куртуа, Алаба, Милитао, Менди, Модрич (Себальос, 70), Кроос, Каземиро (Камавинга, 71), Васкес (Начо, 87), Бензема, Асенсио, Винисиус Жуниор (Вальверде, 87).
«Валенсия»: Силлессен, Пиччини (Ирансо, 77), Алдерете, Диакаби, Гайя, Гилямон, Гедеш, Васс, Муса (Черишев, 66), Элдер Кошта (Маркос Андре, 66), Макси Гомес (Куандреди, 66; Вальехо, 83).
Огоҳлантиришлар: Каземиро (14), Милитао (26), Пиччини (51), Муса (58), Менди (75), Черишев (84).
Изоҳ (0)