Саудия Арабистонида бўлиб ўтадиган Испания Суперкубоги баҳсларидан олдин муаммо юзага келиши мумкин.
Мамлакатга кириш учун коронавирусга қарши эмланганлик сертификати бўлиш керак (камида иккита доза билан).
10 январь куни «Реал», «Барселона», «Атлетико» ва «Атлетик» Испания Суперкубоги ярим финал баҳслари учун Ар-Риёдга учиб бориши лозим. Marca’нинг хабарига кўра, жамоаларнинг барча футболчиси ҳам коронавирусга қарши эмланмаган.
Испанияда бу борада қатъий қоидалар йўқ. Футбол ўйинларида қатнашиш учун Ла Лига протоколига амал қилиш керак, холос. Юзага келган муаммо қандай ҳал қилиниши ҳозирча номаълум.
Испания Суперкубоги баҳслари иккинчи марта Саудия Арабистонида ўтказилади. Илк бор ушбу мусобақа 2020 йилда Осиё мамлакатида ўтказилган эди. Коронавирус туфайли 2021 йилги Суперкубок Андалусияда бўлиб ўтган.
Эслатиб ўтамиз, Испания Суперкубогининг ярим финал учрашувлари 12—13 январь кунлари бўлиб ўтади. «Реал» «Барселона» билан баҳс олиб борса, иккинчи ўйинда «Атлетико» «Атлетик» билан ўзаро ҳисоб-китоб қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)