Футбол бўйича Испания Ла Лигасининг 20-туридан ўрин олган ўйинлар 8 январь, шанба куни бўлиб ўтди.
«Барселона» «Гранада» билан баҳс олиб борди. Люк де Йонгнинг 57-дақиқада бош билан гол уриб, каталонияликларни ҳисобда олдинга олиб чиқди, де Ёнгга Дани Алвес ассистентлик қилди. 89-дақиқада эса Антонио Пуэртас мувозанатни тиклаб, жамоасини мағлубиятдан қутқариб қолди.
Қайд этиш керак, каталонлар 80-дақиқадан бошлаб майдонда бир киши кам бўлиб ҳаракат қилди. Гавига қўпол ҳаракати учун иккинчи сариқ карточка кўрсатилди.
Дуранг натижадан сўнг Хави шогирдлари 32 очко билан олтинчи ўриндан жой олган бўлса, «Гранада» 24 очко билан ўн иккинчи ўринда бормоқда.
Ла Лига
20-тур баҳслари
«Гранада» – «Барселона» 1:1
Гол: 0:1 – 57 де Йонг, 1:1 — 89 Пуэртас.«Гранада»: Луиш Машимиану, Кини, Диас (Дуарте, 68), Торренте, Нева, Эскудеро, Пуэртас, Гоналон (Монторо, 62), Миля, Бакка, Молина, Суарес, Мачис (Кольядо, 68).
«Барселона»: тер Стеген, Пике, Эрик Гарсия (Лангле, 54), Альба, Бускетс, Нико Гонсалес, Гави, Дани Алвес, Жужла (Эззалзули, 61), де Йонг (Депай, 61), Дембеле (Альваро Санс, 82).
Огоҳлантиришлар: Гави (22), Гоналон (31), Лангле (56), Депай (69), Эззалзули (83), Бакка (90+3).
Четлатиш: Гави (79).
Изоҳ (0)