«Барселона» ҳимоячиси Херард Пике «кўк-анорранглилар» сафида оладиган маоши ҳақида ОАВда тарқалган хабарларга муносабат билдирди.
34 ёшли Пикенинг каталонияликлар сафидаги энг кўп маош олувчи футболчи эканлиги хабар берилганди. У солиқлар билан биргаликда йилига 28 миллион евро маош олиши маълум қилинганди.
Шундан сўнг ҳимоячи Twitter саҳифасида 2,3 миллион евро кўрсатилган банк чекини кўрсатди ва бу 2021 йилда олган маошининг 50 фоизи эканлигини ёзиб қолдирди.
Шунингдек, «Барселона» ҳам жамоа аъзоларининг маошлари борасидаги хабарга ўз муносабатини билдириб ўтди.
Клуб футболчиларнинг маоши ҳақида ҳеч қандай хабар бермаган ва у қаердан келиб чиққани маълум эмас.Маълумот учун, Пике 2021/22 йилги мавсумда Испания Ла Лигасида 16 ўйинда майдонга тушиб, 1 та голга муаллифлик қилди. «Барселона» мусобақада 19-турдан сўнг 31 очко билан 5-ўринда бормоқда.Ҳар қандай ҳолатда ҳам хабарда келтирилган маълумотлар хато ва ҳақиқатга тўғри келмайди. Рўйхат бошидаги уч футболчи (Херард Пике, Серхи Роберто ва Хорди Альба) ҳақидаги қайдлар қатъий белгиланган миқдорни билдиради, аслида у қатъий миқдор ҳам эмас, балки, ҳеч қачон тўлиқ тўланмаслиги ҳам мумкин.
Учала футболчи маошини 100 фоиз қисми кечиктирилишига рози бўлгани ҳақидаги хабарлар ёлғон. Пике, Бускетс ва Альба 2021 йилнинг ёзида шартномани узайтираётган вақтда маошининг бир қисмидан воз кечишга рози бўлган.
Биз ушбу хабарни нотўғри, нопрофессионал ва виждонсизлик деб ҳисоблаймиз. Улар футболчиларимизнинг шахсий маълумотлари бўлиб, қатъий махфийликда сақланиши лозим.
«Барселона» баёноти
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)