«Манчестер Сити» келаётган ёзда «Боруссия Д» ҳужумчиси Эрлинг Ҳоланд учун кураш олиб боради.
The Athletic’нинг хабарига кўра, 21 ёшли ҳужумчи «шаҳарликлар»нинг асосий нишони бўлиб турибди. Манчестер жамоаси раҳбарияти яқин ҳафта ёки ойларда Ҳоланднинг вакиллари билан учрашувни режалаштирмоқда. Инглизлар «Боруссия Д» сўраган 75 миллион еврони тўлашга тайёр.
Ҳоланд учун курашда «Манчестер Сити»нинг асосий рақобатчиси «Реал» ҳисобланмоқда. Кўпчилик «Барселона» ушбу клублар билан рақобатлашолмайди деган фикрда.
Норвегиялик ҳужумчига, шунингдек, «Бавария», «Манчестер Юнайтед» ва «ПСЖ»дан ҳам таклифлар бор. Аммо Хосеп Гвардиола жамоасининг имкониятлари юқори баҳоланмоқда.
Агар «шаҳарликлар» Ҳоланд трансферини амалга ошира олмаса, бошқа вариантларга тўхталади. Рўйхатдан «Реал Сосьедад» футболчиси Александер Исак ва «Фиорентина» ҳужумчиси Душан Влаҳович ўрин олган.
Манчестерликларнинг «Тоттенҳэм» ҳужумчиси Ҳарри Кейн вариантига қайтиш эҳтимоли ҳам йўқ эмас. Бунинг учун «шпорлар» футболчини адекват нархга қўйиб юборишга рози бўлиши керак. Бундан ташқари, «Манчестер Сити» июль ойида 29 ёшга кирадиган Кейннинг ёшига ҳам эътибор қаратади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)