«Барселона»нинг энг кўп маош олувчи футболчилари маълум бўлди

«Барселона» футболчилари қанча маош олиши маълум бўлди.

АС нашрининг хабарига кўра, «кўк-анорранглилар» сафида энг кўп маош оладиган футболчи Херард Пике ҳисобланади. 34 ёшли ҳимоячи солиқлар билан бирга йилига 28 миллион евро маош олади. 2021 йилнинг ёзида Пике маошининг қисқаришига рози бўлганди ва содиқлик учун катта бонусга эга бўлганди.

Ҳимоячидан кейинги ўринларда Серхио Бускетс (23 миллион евро), Хорди Альба, Самюуэль Умтити (ҳар иккаласи 20 миллион евродан), Марк-Андре тер Штеген (14 миллион), Усмон Дембеле ва Серхи Роберто (ҳар иккаласи 12 миллион евродан) жой олган.

«Астон Вилла»га ижара асосида ўтган Филиппе Коутиньо эса «Барселона»да солиқлар билан бирга йилига 16 миллион евро маош олар эди.

Маълумот учун, «Барселона» Испания Ла Лигасининг 19-туридан сўнг 31 очко билан 5-ўринда бормоқда.