«Атлетико» ҳимоячиси Киран Триппьер фаолиятини «Ньюкасл»да давом эттиради. Бу ҳақида инглиз жамоаси матбуот хизмати маълум қилди.
Триппьер «Ньюкасл» билан 2,5 йиллик шартнома имзолади. Келишувнинг молиявий тафсилотлари маълум қилинмаган.
Хабарларга кўра, «Ньюкасл» 31 ёшли футболчи учун «матрасчилар»га 15 миллион евро тўлаган.
Ажойиб жамоага келиб қўшилганимдан хурсандман. Мадридда ёқимли лаҳзаларни ўтказдим, «Ньюкасл»дан таклиф тушгач, рад этолмаслигимни билдим. Чунки аввал Эдди Хау билан бирга ишлаганман.Эслатиб ўтамиз, англиялик футболчи 2019 йилнинг июль ойида 22 миллион евро эвазига «Тоттенҳэм»дан «Атлетико» сафига ўтган эди. Триппьер фаолияти давомида «Барнсли» ва «Бёрнли» каби жамоаларда ҳам ўйнаган.Жуда кўп ишлашимизга тўғри келишини биламан, Премьер Лиганинг талаблари билан танишман. Ундан ташқари «Ньюкасл» иқтидорли футболчиларга бой яхши жамоа эканлигидан ҳам хабарим бор.
«Сент-Жеймс Парк» майдонига «Ньюкасл» футболчиси сифатида тушишни интизорлик билан кутяпман.
Киран Триппьер, «Ньюкасл» футболчиси
«Ньюкасл Юнайтед» 2021 йилнинг октябрь ойида Саудия Арабистони ҳукумати давлат инвестиция фонди (PIF – Public Investment Fund) томонидан сотиб олинди. Бу футболга эгалик қиладиган компаниялар ичида энг бойи ҳисобланиб, шахсан Саудия Арабистони валиаҳд шаҳзодасига алоқадор.
Изоҳ (0)