Футбол бўйича Италия А Сериясининг 20-туридан ўрин олган учрашувлар 6 январь, пайшанба куни бўлиб ўтди.
«Милан» ўз уйида «Рома»ни қабул қилди. Учрашувнинг 8-дақиқасида Оливье Жиру ҳисобни очган бўлса, 17-дақиқада Жуниор Мессиас миланликларнинг иккинчи голига муаллифлик қилди. 40-дақиқада Тэмми Абраҳам ҳисобни қисқартирди.
Иккинчи бўлимда Рафаэл Леао гол урди ва «Милан»нинг ишончли ғалабасини таъминлади. Элдор Шомуродов 76-дақиқада Тэмми Абраҳамнинг ўрнига майдонга тушди. Қайд этиш керак, римликлар ўйинни 9 футболчи бўлиб якунлади: Рик Карсдорп (74) ва Жанлука Манчини (90+3) иккитадан сариқ карточка олиб, майдонни тарк этди.
«Милан» ушбу ғалабадан сўнг очколари сонини 45 тага етказди ва иккинчи ўринда бормоқда, Жозе Моуриньо шогирдлари 32 очко билан олтинчи поғонадан ўрин олган.
А Серия тақвими, тўпурарлари рўйхати, онлайн жадвалларини бу ерда кўриш мумкин — ҳавола.
А Серия
20-тур баҳслари
6 январь, пайшанба
«Милан» – «Рома» 3:1
Голлар: 1:0 – 8 Жиру (пенальти), 2:0 – 17 Жуниор Мессиас, 2:1 – 40 Абраҳам, 3:1 – 82 Рафаэл Леау.«Милан»: Меньян, Флоренци (Конти, 78), Габбия, Калулу, Эрнандес, Мальдини, Крунич (Бакаёко, 64), Салемакерс (Рафаэл Леау, 64), Тонали, Жиру (Ибраҳимович, 77), Браҳим Диас (Мальдини, 88), Жуниор Мессиас.
«Рома»: Руй Патрисиу, Карсдорп, Смоллинг, Манчини, Рожер, Виня (Кристанте, 71), Мхитарян, Верету (Афена-Гьян, 71), Пеллегрини (аш-Шаарави, 71), Заниоло (Карлес Перес, 85), Абраҳам (Шомуродов, 76).
Огоҳлантиришлар: Абраҳам (7), Заниоло (18), Карсдорп (44), Эрнандес (44), Крунич (56), Кристанте (85).
Четлатиш: Карсдорп (74), Манчини (90+3).
Изоҳ (0)