Буюк Британия ва Францияда коронавирус билан кунлик касалланиш рекордлари янгиланди

Буюк Британия ва Францияда коронавирус билан кунлик касалланиш бўйича суткалик рекордлар қайд этилди, деб хабар беради «РБК».

Буюк Британияда бир сутка ичида 218 724 кишида коронавирус тасдиқланган — бу пандемия бошланганидан буён энг юқори кўрсаткич ҳисобланади. Мамлакатда COVID-19 билан касалланганларнинг умумий сони 13,6 миллион кишига етган.

Франция Миллий соғлиқни сақлаш агентлиги маълумотларига кўра, мамлакатда 24 соат ичида 271 686 кишида коронавирус аниқланган. Францияда пандемия бошланганидан буён 10,5 миллион ортиқ одам коронавирусга чалинган.

Коронавирус тарқалишини реал вақтда кузатиб бораётган Жонс Хопкинс университети 4 ноябрь куни АҚШда бир сутка ичида COVID-19 билан касалланганлар сони рекорд даражага етганини маълум қилди: 1 миллиондан ортиқ одамда вирус тасдиқланган, 1688 киши вафот этган. ЖССТ ҳозирча 4 январь ҳолати бўйича АҚШга оид маълумотларини эълон қилмади.

Аввалроқ Пентагон раҳбари Ллойд Остинда коронавирус аниқлангани, Жанубий Кореяда «омикрон» билан боғлиқ дастлабки ўлим ҳолатлари қайд этилгани, ЖССТ дельта ва «омикрон» штаммлари билан касалланиш «цунамиси»дан огоҳлантиргани тўғрисида хабар берилганди.