Buyuk Britaniya va Fransiyada koronavirus bilan kunlik kasallanish bo‘yicha sutkalik rekordlar qayd etildi, deb xabar beradi “RBK”.
Buyuk Britaniyada bir sutka ichida 218 724 kishida koronavirus tasdiqlangan — bu pandemiya boshlanganidan buyon eng yuqori ko‘rsatkich hisoblanadi. Mamlakatda COVID-19 bilan kasallanganlarning umumiy soni 13,6 million kishiga yetgan.
Fransiya Milliy sog‘liqni saqlash agentligi ma’lumotlariga ko‘ra, mamlakatda 24 soat ichida 271 686 kishida koronavirus aniqlangan. Fransiyada pandemiya boshlanganidan buyon 10,5 million ortiq odam koronavirusga chalingan.
Koronavirus tarqalishini real vaqtda kuzatib borayotgan Jons Xopkins universiteti 4-noyabr kuni AQShda bir sutka ichida COVID-19 bilan kasallanganlar soni rekord darajaga yetganini ma’lum qildi: 1 milliondan ortiq odamda virus tasdiqlangan, 1688 kishi vafot etgan. JSST hozircha 4-yanvar holati bo‘yicha AQShga oid ma’lumotlarini e’lon qilmadi.
Avvalroq Pentagon rahbari Lloyd Ostinda koronavirus aniqlangani, Janubiy Koreyada “omikron” bilan bog‘liq dastlabki o‘lim holatlari qayd etilgani, JSST delta va “omikron” shtammlari bilan kasallanish “sunamisi”dan ogohlantirgani to‘g‘risida xabar berilgandi.
Izoh (0)