Нотўғри узунликдагиси танланса, бўйни паст кўрсатиши мумкин бўлган миди узунлигидаги юбка билан образ яратишда нималарга эътибор қаратиш кераклиги ҳақида Cosmopolitan нашри маълумот бериб ўтади.
Бошдан оёқ бир рангда кийиниш
Бўй баландроқ кўриниши учун бир рангнинг турли кўринишидаги кийимларни умумлаштириш керак. Масалан, тўқ жигаррангни очи билан мослаш ва сумка ёки бошқа аксессуар билан образга урғу бериш мумкин. Шунда кўнгилдагидек кўринишга эга бўлишингиз аниқ.
Турли қалинликдаги матоларни мослаш
Образда ўзига хослик бўлиши учун турли матоларни бир-бирига мослашга ҳаракат қилинг. Масалан, фотодагидек қалин матодан тикилган юбкани, юпқа оқ кофта ва чарм костюм билан умумлаштиринг. Бунда ҳар бир элемент бир-бирини тўлдириб туради ва қизиқарли кўринишга эга бўлишингизга ҳисса қўшади.
Шунчаки мослашнинг ўзи билан чекланмаслик
Юбка билан образ зерикарли бўлиб қолмаслигига ҳаракат қилинг. Қалин свитернинг бир қисмини юбканинг камар қисми остига киритинг, иккинчи томони эса чиқиб турсин. Енгингизни шимаринг, қалин ботинка ва минимал услубдаги занжир тақишни унутманг.
Ассиметрик чизиқлар
Ассиметрик чизиқлар нафақат образга «жон киритади», балки бўй-бастни бироз узунроқ ҳам кўрсатади. Этак қисми текис бўлмаган бичимли юбка танлашингиз, кофтанинг бир томонини кийим устидан чиқаришингиз ёки свитернинг елка қисмини бироз очишингиз ва бу билан ноодатий образга эга бўлишингиз мумкин.
Қоматга урғу бериш
Қандай кийинишдан қатъи назар, қомат урғу беришни эсдан чиқармаслик керак. Бунга олд қисми V шаклини эсга соладиган кийим кийиш, елкани очиш ёки белга камар тақиш орқали эришиш мумкин. Қолаверса, тўғри танланган пойабзал ҳам бу борада ёрдам бериши мумкин. Қоматингиздаги афзалликни аниқлаб, айнан унга урғу беришга ҳаракат қилинг.
Тўғри бичим ва узунлик
Гавда тузилишини хунук кўрсатиб қўймаслиги учун бел қисми тепароқ турадиган юбкани танланг. Бундай модель белга урғу бериб, оёқларни узунроқ кўрсатади. Узунлиги эса тиззадан бироз паст ёки сал тепароқ бўлгани яхши. Болдирнинг ўртасида турадиган узунликдаги вариантлар сизни қўпол ва тўлароқ кўрсатади.
Изоҳ (0)