Бошни иссиқ тутиш билан бирга, образни ўзига хос кўринишида муҳим рол ўйнайдиган шапканинг қандай моделини танламаслик кераклиги ҳақида Harper’s Bazaar нашри маълумот бериб ўтади.
Катта попукли шапкалар
Попукли безак кичкина бўлиши, қолаверса шапка юпқа матодан тикилган бўлиши керак. Катта ва ранг-баранг попукли вариантларни эса синглингиз ёки жиянингизга бериб юбориш тавсия қилинади. Иккиталик попук ҳақида эса гап бўлиши мумкин эмас.
Мўйнадан ишланган шапкалар
Қанчалик чиройли туйилмасин бундай шапка моделлари сизни эскича кўринишингизга сабаб бўлади. Мўйнани жуда яхши кўрадиганларга эса панамаларга эътибор қаратиш тавсия қилинади.
Юпқа трикотаж
Исталган образни яратишда пропорцияга эътиборли бўлиш керак. Кийим-кечакларнинг бари бир-бири билан уйғун бўлиши керак экани сабаб ҳам трикотаж матодан тикилган шапкаларни киймаслик тавсия қилинади. Бошда чиройли турмагани етмагандек, қалин кийимлар билан тушмайди. Бундан ташқари, бундай шапка модели бошни иссиқ тутмаслиги аниқ.
Бачкана шапкалар
Шапка қанча оддий бўлса шунча яхши. Нақш, тош, ёрқин принтларни бошқа кийим-кечак ва аксессуарларга қолдирган яхши. Универсалидан фарқли ўлароқ, безакли ва бачкана моделлар исталган образга мос тушавермайди. Шу сабаб ҳам иложи борича оддийроқ вариантларга эътибор қаратиш тавсия қилинади.
«Қулоқчалари» бор шапкалар
Бу ҳам болаларга бериб юбориш керак бўлган шапка модели ҳисобланади. Бундай аксессуар билан образингиз ўзига хос эмас, дидсиз кўриниши аниқ. Шу сабаб ҳам бунинг сингари шапкалардан иложи борича қочиш тавсия қилинади.
Изоҳ (0)