Ўзбекистонлик гроссмейстер Нодирбек Абдусатторов 28 декабрь куни Польшанинг Варшава шаҳрида бўлиб ўтган шахмат мусобақасининг рапид йўналишида ғолибликка эришди ва Жаҳон чемпионига айланди. Ушбу ғалабадан сўнг Нодирбек матбуот анжуманида иштирок этди.
Тайбрейкда ўйнашини кутмагани ҳақидаНодирбек Абдусатторов 2017 йилда, 13 ёшида гроссмейстерлик унвонини олган. 2021 йил январь ҳолатига кўра, Абдусатторов шахмат тарихидаги энг ёш бешинчи гроссмейстер бўлиб турибди. У 2018 йилда Ўзбекистон терма жамоаси сафида Бутунжаҳон шахмат Олимпиадасида биринчи ўринни қўлга киритганди ва Президент совғаси — Spark автомобилини қабул қилиб олганди.Тайбрейкда ўйнашимни кутмагандим, бироқ бунга тайёр эдим. Мен учун энг муҳими сўнгги кундаги партияларни ютқазмаслик эди ва буни уддаладим. Сўнгги тур олдидан рўйхатда биринчи ўринни эгаллашим ва тайбрейкка йўл олишим мумкинлиги ҳақида билмагандим.
Жаҳон чемпиони ва бу номга даъвогарларга қарши ўйинлардан кейин энг қувончли вазият ҳақида
Бугун бошқа ўйнашим шарт эмаслиги — энг ёқимли туйғу. Жуда чарчадим, лекин олдинда яна бир мусобақа кутиб турибди (блиц бўйича Жаҳон чемпионати), шунинг учун хотиржам бўлишнинг вақти эмас.
Сўнгги турда Ян Кшиштоф Дуда билан бўлиб ўтган ўйин ҳақида
Бу жуда қийин ўйин бўлди, жуда оғир. Чунки партия бошида жуда оғир ўйин намойиш қилдим, кейин ёмон позицияга тушиб қолдим. Қандайдир мўъжиза сабаб ўйинни ушлаб қолдим, чунки рақибда вақт кам қолганди. Омадим чопди, ушбу мусобақада омад келмаса ғалаба қозониш жуда қийин.
Тайбрейкда Ян Непомняшийга қарши блиц партиялар ҳақида
Непомняший билан ўйин одатий темпда ўтди. Рапиддаги тўқнашувимиздан сўнг у яхшироқ тайёрланган эди (4-турда шахматчилар дуранг ўйнаганди), баъзи вазиятларда шунга ўхшаш дебютни такрорладик. Бундай позицияда қоралар билан ўйнаш ва вазиятни назорат қилиш осонроқ.
Эндигина 17 ёш бўлса-да, ғалабадан кейинги кўриниши бахтли одамларники каби эмаслиги ҳақида
Жуда хурсандман. Бироқ сезиб турганингиздек, жуда чарчадим ва хотиржам тортишнинг вақти эмас. Сабаби олдинда бошқа мусобақа кутиб турибди.
Магнус Карлсеннинг 4 шахматчида ҳам бир очко мавжуд бўлса-да, тайбрейкка фақат юқоридаги икки ўрин соҳиби чиққанини «аҳмоқона қарор» деб атагани ҳақида
Бу менинг қарорим эмас, тайбрейк йўлланмасини омад туфайли қўлга киритдим.
Ўзини Ўзбекистоннинг буюк шахматчилари, хусусан, Рустам Қосимжоновнинг издоши сифатида кўриши ҳақида
Йўқ, бундай муваффақиятлар билан ўзимни таққослаш учун ҳали эрта. Лекин келажакда бу ҳақида жиддий ўйлаб кўрса бўлади.
Изоҳ (0)