Футбол бўйича Англия Премьер Лигасининг 20-туридан ўрин олган бир қатор ўйинлар 28 декабрь, сешанба куни бўлиб ўтди.
«Ливерпуль» сафарда «Лестер» билан баҳс юритди ва мағлубиятга учради. «Тулкилар»га ғалаба келтирган ягона голга 59-дақиқада Адемола Лукман муаллифлик қилди.
Қайд этиш керак, Муҳаммад Салоҳ 16-дақиқада 11 метрлик жарима зарбасидан унумли фойдалана олмади.
Ушбу ғалабадан кейин «Лестер»нинг очколари сони 25 тага етди ва 9-ўринга кўтарилди. «Ливерпуль» эса 41 очко билан 2-поғонада бормоқда, «қизиллар» пешқадам «Манчестер Сити»дан 6 очкога ортда қолмоқда.
«Тоттенҳэм» ҳам тур доирасида сафарда ўйин ўтказди. «Шпорлар» «Саутҳэмптон» майдонида меҳмон бўлиб, 1:1 ҳисобидаги дурангга имзо чекди.
АПЛ
20-тур баҳслари
28 декабрь, сешанба
«Лестер» – «Ливерпуль» 1:0
Гол: 1:0 – 59 Лукман.«Лестер» – Шмейхель, Кастань, Амарти, Ндиди, Томас, Мэддисон (Олбрайтон, 68), Сумаре, Чоудури (Лукман, 56), Дюзбери-Ҳолл, Варди, Иҳеаначо (Тилеманс, 56).
«Ливерпуль» – Алиссон, Александер-Арнольд, Матип, ван Дейк, Цимикас, Ҳендерсон (Фирмино, 70), Окслейд-Чемберлен (Кейта, 55), Фабиньо (Милнер, 64), Салоҳ, Мане, Диогу Жота.
Огоҳлантиришлар: Матип (4).
Изоҳ (0)