Uzcard ва Humo тўлов тизимлари 2021 йилдаги ўзаро интеграциялашувнинг биринчи босқичини якунлади. Шу тариқа ҳар иккала тизим терминалларида тўловларни қабул қилиш амалиёти намойиш этилди, деб хабар беради Марказий банк матбуот хизмати.
Илгари терминалларда чекловлар мавжуд бўлган бўлса, эндиликда битта терминалда ҳам Uzcard ҳам Humo карталарига хизмат кўрсатиш мумкин бўлади.
«Яқин келажакда кассир томонидан ҳар бир карта учун турли терминалларнинг таклиф қилиниши шарт бўлмайди — савдо ва хизмат нуқталари иккала тўлов тизимига хизмат кўрсатадиган битта аппаратга эга бўлади», — дея таъкидланади хабарда.
Интеграция меморандуми доирасида Uzcard ва Humo қуйидаги йўналишларда ҳамкорликни давом эттиради:
- карта эгалари, банклар, тўлов ташкилотлари ва чакана савдо шохобчаларининг манфаатларини ҳимоя қилиш;
- технологияларни такомиллаштириш ва нақд пулсиз ҳисоб-китобларни рағбатлантириш инфратузилмасини кенгайтириш;
- тўлов инфратузилмасининг ишончлилиги ва ахборот хавфсизлигини таъминлаш бўйича лойиҳаларни амалга ошириш.
Изоҳ (0)