Ўзбекистонда 27 декабрь куни 100 кишида коронавирус қайд этилиб, мамлакатда пандемия бошидан бери коронавирусга чалингани расман тасдиқланганлар сони 198 487 нафарга етди. Бу ҳақда Соғлиқни сақлаш вазирлиги матбуот хизмати хабар берди.
Янги касалланиш ҳолатларининг
- 10 нафари Андижон вилоятида,
- 7 нафари Бухоро вилоятида,
- 2 нафари Жиззах вилоятида,
- 9 нафари Қашқадарё вилоятида,
- 4 нафари Наманган вилоятида,
- 12 нафари Самарқанд вилоятида,
- 2 нафари Сирдарё вилоятида,
- 1 нафари Сурхондарё вилоятида,
- 7 нафари Фарғона вилоятида,
- 10 нафари Хоразм вилоятида,
- 1 нафари Тошкент вилоятида,
- 35 нафари Тошкент шаҳрида
«Gazeta.uz»нинг ёзишича, шундан кейин кунлик аниқланган ҳолатлар сони 100 тадан пастга тушмаган. Апрель ойида касалланиш тахминан 200 тадан деярли 450 тага кўпайган. Май ойида максимал кўрсаткич 452 (5 май), июнда — 546 (25 июнь), июлда — 924 (30 июль), августда — 974 (5 август), сентябрда — 736 (1 сентябрь, ой охирига келиб эса пасайиш кузатилди), октябрда — 487 (6 октябрь), ноябрда — 294 (11 ноябрь), декабрда — 278 (10 декабрь) тани ташкил этди.
Бугунги кунга қадар Ўзбекистонда коронавирусга қарши 38,6 миллион дозадан ортиқ вакцина қўлланилган, шу жумладан, 18,7 миллиондан ортиқ киши биринчи дозани (эмланиши керак бўлган аҳолининг 87,4 фоизи), 13,2 миллион нафари иккинчи ва 6,6 миллион нафари учинчи дозани олган. Вакцинациянинг тўлиқ курси эмланиши керак бўлган аҳолининг 61,9 фоизида якунланди.
Аввалроқ Тошкентда коронавирус қурбонлари бўлган тиббиёт ходимлари хотирасига хиёбон ташкил этилиши, Зангиотадаги юқумли касалликлар шифохонасида пневмония ва COVID-19 га чалинган қанча бемор даволанаётгани тўғрисида маълумот берилганди.
Изоҳ (0)