Bugun,

  • USD 11014.01
  • RUB 191.8
  • EUR 10674.78

MIB Namangan viloyat boshqarmasi qidiruv sho‘basi tomonidan olib borilayotgan tezkor tadbirlar davomida qidiruvdagi qarzdor shaxslar aniqlanmoqda. Bu haqda “Daryo” muxbiri Azizbek Abduvaliyev xabar bermoqda.

Foto: “Daryo” / Jahongir Akramov

Foto: “Daryo” / Jahongir Akramov

Fuqarolik ishlari bo‘yicha G‘ijduvon tumanlararo sudining 2012-yildagi qaroriga ko‘ra, Mirali Qodirovdan (ism-shariflar shartli) sobiq turmush o‘rtog‘i Muhayyo Sattorova foydasiga 3 nafar voyaga yetmagan farzandining moddiy ta’minoti uchun aliment undirish belgilangandi. Mazkur ijro hujjati byuroning Kosonsoy tuman bo‘limiga kelib tushgan. Biroq Qodirov alimentdan bo‘lgan qarzdorlikni to‘lashdan qasddan bo‘yin tovlab kelgani sababli unga nisbatan qidiruv e’lon qilinadi.

Olib borilgan tezkor tadbir davomida qarzdor Rossiyaga chiqib ketgani aniqlandi. U bilan ijtimoiy tarmoqlar orqali olib borilgan profilaktik suhbatdan so‘ng mavjud 26 million so‘m qarz undiruvchining bank plastik kartasiga o‘tkazib berildi.

MIBning Chortoq tuman bo‘limi tomonidan qidiruv e’lon qilingan Solijon Qirg‘izov ham Rossiyada ekanligi aniqlandi. U bilan o‘tkazilgan muloqotdan so‘ng Qirg‘izov alimentdan bo‘lgan 7,5 million so‘m qarzini to‘lab berdi.

Boshqarma matbuot xizmatiga ko‘ra, qidiruv sho‘basi tomonidan bu kabi tezkor tadbirlar davom ettirilmoqda.

Izoh
Asosiy yangiliklar
Mahalliy
“Ustoz”, “muallim”, “domla”, “professor” — bu so‘zlarning asl ma’nosi nima?
Sport
Bundesliga. “Borussiya D” safarda mag’lubiyatga uchradi
Mahalliy
“Ikki milliondan ortiq o‘zbekistonlik xorijda mehnat qilib, daromad topmoqda” — Mehnat vaziri