Ижтимоий тармоқларда 24 декабрь куни Қорақалпоғистон Республикасининг айрим ҳудудларига қор ёғгани тасвирланган суратлар тарқалди.
Аввалроқ Республика Гидрометеорология маркази Қорақалпоғистон Республикаси ва Хоразм вилоятида ҳаво ўзгариб туриши, баъзи жойларда ёғингарчилик (ёмғир, қор) бўлишидан огоҳлантирган эди. «Kruz.uz» нашри томонидан эълон қилинган суратлардан кўриш мумкинки, Чимбой туманини қалин қор қоплаган.
Эслатиб ўтамиз, ижтимоий тармоқларда Қамчиқ довонида 19 декабрь куни қор ёғаётгани акс этган видеолавҳалар тарқалган, 13 декабрда эса Қашқадарё ва Самарқандни боғловчи Тахтақорача довони қалин қор ёғгани сабаб ёпилган эди. ФВВ бошчилигида тегишли ташкилотларнинг ходимлари томонидан олиб борилган зурурий тадбирлар натижасида 14 декабрь куни соат 08:20 да довон автомобиль ҳаракати учун қайта очилган.
Изоҳ (0)