Telegram’dagi “Davletovuz” kanali 17-noyabr kuni Toshkentda yog‘gan qor va bundan bir yil oldin yog‘gan qorning o‘zaro taqqoslangani tasvirlangan suratlar bilan bo‘lishdi.
17-noyabr kungi qor tasvirlangan suratda poytaxt havosining qanchalik ifloslangani yaqqol ko‘zga tashlangan.
“O‘zgidromet” ma’lumotlariga ko‘ra, 17-noyabr kuni Toshkent shahri bo‘ylab ifloslangan qor yog‘gan. Qor namunalari olinganda ifloslangan qor qatlamlari (qizg‘ish loy rangi) kuzatilgan. Ta’kidlanishicha, ifloslangan qor yog‘ishiga 4-noyabrda Qozog‘iston janubida va 16-noyabrda Buxoro viloyatida kuzatilgan qum bo‘ronlari sabab bo‘lgan.
“Agar Toshkentda 14-noyabrda yog‘inlar yog‘ib havo tozalangan bo‘lsa, Buxoro viloyatida esa yog‘inlar bo‘lmadi. 17-noyabrda respublikaning butun hududiga shamolning tezlashishi va ba’zi joylarda qumli bo‘ron bilan sovuq nam havo massasi kirib keldi. Shamol tezligidan ko‘tarilgan chang masofaga ko‘chdi hamda tuproq va qum rangini bo‘yab, Toshkent shahriga cho‘kdi”, — deyiladi xabarda.
Avvalroq Uzbekistan Airways qor sabab bir qator xalqaro va ichki reyslar parvozini kechiktirgani, “O‘zgidromet” Chimyonda qor ko‘chish xavfidan ogohlantirgani to‘g‘risida xabar berilgandi.Mavzuga doir: Kuzda Toshkentni qoplayotgan birinchi qor — suratlarda
