Ijtimoiy tarmoqlarda 24-dekabr kuni Qoraqalpog‘iston Respublikasining ayrim hududlariga qor yog‘gani tasvirlangan suratlar tarqaldi.
Avvalroq Respublika Gidrometeorologiya markazi Qoraqalpog‘iston Respublikasi va Xorazm viloyatida havo o‘zgarib turishi, ba’zi joylarda yog‘ingarchilik (yomg‘ir, qor) bo‘lishidan ogohlantirgan edi. “Kruz.uz” nashri tomonidan e’lon qilingan suratlardan ko‘rish mumkinki, Chimboy tumanini qalin qor qoplagan.
Eslatib o‘tamiz, ijtimoiy tarmoqlarda Qamchiq dovonida 19-dekabr kuni qor yog‘ayotgani aks etgan videolavhalar tarqalgan, 13-dekabrda esa Qashqadaryo va Samarqandni bog‘lovchi Taxtaqoracha dovoni qalin qor yog‘gani sabab yopilgan edi. FVV boshchiligida tegishli tashkilotlarning xodimlari tomonidan olib borilgan zururiy tadbirlar natijasida 14-dekabr kuni soat 08:20 da dovon avtomobil harakati uchun qayta ochilgan.
Izoh (0)