Тошкент вилоятида ерни ноқонуний сотмоқчи бўлган инвестициялар ва ташқи савдо бошқармаси ходими ва унинг шериги ушланди. Бу ҳақда «Дарё»га ДХХ матбуот хизмати хабар берди.
Маълум қилинишича, Тошкент вилояти инвестициялар ва ташқи савдо бошқармаси ходими ҳамда Тошкент шаҳар Яккасарой туманида рўйхатдан ўтган МЧЖнинг норасмий эгаси билан ўзаро тил бириктириб, Қибрай тумани ҳудудида жойлашган мазкур МЧЖга тегишли қишлоқ хўжалиги маҳсулотларини етиштиришга мўлжалланган 13,7 гектар унумдор ер майдонини харидорга 3 миллион 425 минг долларга сотишга келишган.
ДХХ ходимларининг Иқтисодий жиноятларга қарши курашиш департаментининг Тошкент вилояти бўйича бошқармаси ходимлари билан ҳамкорликда ўтказган тезкор тадбирида, улар сўралган пулдан 500 минг долларни олган вақтида ушланган.
Ҳозирда мазкур ҳолат юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
Бундан аввал Самарқандда 50 сотих ерни ноқонуний равишда 34 минг долларга сотишга уринган шахс ва унга ёрдам бермоқчи бўлган кадастр ходими ушланганди. Шунингдек, Сирдарё, Фарғона ва Хоразмда ер сотиш билан боғлиқ жиноятлар фош этилганди.
Мавзуга доир:
- Тошкентда ерни ноқонуний олиб бермоқчи бўлган хонанда ДХХ томонидан қўлга олинди
- Тошкентда 40 сотих ер ажратиб бериш эвазига фуқаронинг 40 минг долларини қўлга киритган шахс аниқланди
- Тошкент вилоятидаги ўрмон хўжалигига қарашли 1 гектар ерни 200 минг доллар эвазига олиб беришни ваъда қилган шахслар ушланди
Изоҳ (0)