Ўзбекистонда 2021 йилнинг дастлабки 11 ойида 276,9 мингта никоҳ ҳолати қайд этилди. Бу ҳақда Давлат статистика қўмитаси хабар қилди.
Қайд этилишича, никоҳлар сони 2020 йилнинг мос даври билан солиштирганда 4,5 фоизга ошган.
Эслатиб ўтамиз, 2021 йил 1 декабрь ҳолатига кўра, Ўзбекистонда йил бошидан буён 832,4 минг нафар туғилиш ҳолати қайд этилган. Кўрсаткич 2020 йилнинг мос даври билан солиштирилганда 64 474 нафарга ошган.
Шунингдек, Давлат статистика қўмитаси маълумотларига кўра, Ўзбекистонда 2010—2020 йиллар давомида уч нафар эгизаклар туғилиши 4 бараварга кўпайган.
Бундан ташқари, қўмита доимий аҳолининг ёш таркиби бўйича тақсимланиши ҳақида маълумот берганди. Келтирилган маълумотга кўра, Ўзбекистон аҳолиси сонида 0—4 ёшлилар энг кўп, 85 ва ундан катталар эса озчиликни ташкил этади.
Ўзбекистонда 2021 йилнинг 1 октябрида доимий аҳоли сони 35 миллион 79 минг 200 кишига етди. Шундан 17 432 730 нафарини аёллар, 17 646 460 нафарини эркаклар ташкил қилди.
Изоҳ (0)