Андижон вилояти ҳокими Шуҳрат Абдураҳмонов 2021 йилги ижтимоий-иқтисодий ривожланиш якунлари ҳамда 2022 йил учун белгиланган вазифалар юзасидан аҳоли тақдим этган мурожаатномасида вилоятдаги мактаб битирувчиларининг олий таълим муассасига кириш бўйич кўрсаткичларини шармандали ҳолат деб атади. Бу ҳақда Халқ депутатлари Андижон вилояти кенгашининг 30-сессиясида қатнашган «Дарё» мухбири хабар бермоқда.
Таъкидланишича, 2020 йилда мактаб битирувчиларининг 13 фоизи олийгоҳларга ўқишга кирган бўлса, жорий йилда бу кўрсаткич 26 фоизга етган. Бундан ташқари, 2 минг 814 нафар 11-синф битирувчилари профессионал таълимга ўқишга қабул қилинган. 2022 йилда битирувчиларнинг олий таълим муассасаларига кириш кўрсаткичларини 30 фоизга етказиш назарда тутилган.
Вилоят ҳокими ушбу рақамларга тўхталар экан, кўрсаткичларни шармандали ҳолат деб атаган.
Президентимиз олдимга иккита — таълим ва соғлиқни сақлаш соҳалари билан шуғулланасан деб жуда ҳам катта вазифаларни қўйган. Иккала тизимдаги камчиликларни ҳал этиш билан қаттиқ шуғулланяпмиз. Андижонда мактаб битирувчиларининг 26 фоизи олий таълим муассаларига кириши бу шармандалик.Эслатиб ўтамиз, 2021 йилда Андижон вилоятида талабаликка тавсия этилган абитуриентлар сони 10 минг 84 нафарни ташкил этган. Уларнинг 7532 нафари мактаб битирувчилари ҳисобланади.Далага чигит эксанг пахта бўлади, мактабга боламизни берсак эртага талаба бўлиб чиқиб кетиши керак. Нима учун уларга бундай шароитларни яратиб беряпмиз? Нима учун ўқитувчиларнинг ойликларини ойма-ой таъминлаб қўйяпмиз? Нима учун президентимиз ўқитувчиларнинг ойлигини 1000 долларга чиқараман деб ҳаракат қиляпти? Натижа эса — 26 фоиз.
Авваллари пахтада ва бошқа ишларда бўлдик деб баҳона қилишарди. Бугун нимани баҳона қилади. Ахир мактабини ҳам супурмаяпти-ку? Биз уларга 26 фоиз ойлик тўламаяпмиз-ку? Юз фоиз, ойма-ой санаб оляпти-ку, ойлигини? Бу рақамлардан вилоят ҳокими сифатида ўзим ҳам уяламан. Нимага хусусий мактаб қураман деган тадбиркорга ер ва кредит беряпмиз, у ўзи қуриб, ўзи ўқитувчи олиб ҳаракат қилиб, 70-80 фоиз болани олий ўқув юртига кириб кетадиган қилиб қўйган, нима учун давлат мактаблари яратиб берилган шароитларнинг масъулиятини, жавобгарлигини елкасига олмаяпти? Бундан буёғига бундай кўрсаткич билан мактаб директори ёки бошқаси бўлиб, бундан ташқари ҳоким бўлиб ҳам ишлашга ҳаққимиз йўқ? Кўрсаткич 70 фоизга чиқмагунича тинчланмаслигимиз керак. Буни ҳамма билиши керак.
Шуҳрат Абдураҳмонов, Андижон вилояти ҳокими
Мавзуга доир:
- «Наҳотки 319 минг абитуриент шуни ҳам эплай олмаган?». Ўзбекистонда абитуриентларнинг қарийб 36 фоизи ўтиш балини тўплай олмагани маълум бўлди
- Шавкат Мирзиёев: «Олий таълимга қамров кўрсаткичидан ҳали хурсанд эмасман»
- «Мақсадга эришиш учун диплом керакми?». Ўқишга кира олмасликни фожиа эмас деб ҳисоблайдиган муваффақиятли инсонлар билан суҳбат
Изоҳ (0)