Ижтимоий тармоқларда Самарқанд шаҳри Алишер Навоий кўчасига ўрнатилаётган Янги йил арчаси соғлом табиий арчалардан кесиб олиб кўтарилаётгани акс этган видеолавҳа тарқалди. Шаҳар ҳокимлиги ҳолатга муносабат билдирди.
Маълум қилинишича, шаҳардаги ўрнатиб бўлинган ва ўрнатилаётган Янги йил арчалари бетартиблашиб қолган табиий арчаларнинг буталган шох-шаббалар ёрдамида кўтарилмоқда. Бироқ видеотасвирдаги ҳолатда Самарқанд шаҳар ҳокимлиги ободонлаштириш бошқармасининг Боғишамол участкаси ходими ўзбошимчалик билан Алишер Навоий кўчасидаги арчанинг юқори қисми учун шу атрофдаги соғлом арча шохларини кесиб олиб, ишни охирига етказиб қўйишга уринган.
«Мазкур ходимга нисбатан бу каби хатти-ҳаракати учун тегишли тартибда чора кўрилишини эслатиб ўтамиз», — дейилади хабарда.
Қайд этилишича, ушбу ҳолатдан бошқарма бошлиғи ва бошқа раҳбарларнинг хабари бўлмаган.
Мавзуга доир:
Изоҳ (0)