Ўзбекистоннинг биринчи хоними, «Замин» халқаро жамоат фонди Васийлик кенгаши раиси Зироат Мирзиёева ва Жанубий Кореянинг биринчи хоними Ким Чен Сук Сеулдаги Миллий реабилитация марказига ташриф буюрди.
Марказ ногиронлиги бўлган шахслар саломатлигини мустаҳкамлаш ва уларнинг жамиятга қўшилишига реабилитация, тадқиқот ва таълим йўли билан ёрдам беради.
Меҳмонлар марказнинг илғор тажрибаси билан танишди. Инновацион технологиялар, лаборатория фаолияти, шунингдек, ногиронлиги бўлган шахслар учун замонавий ёрдамчи воситаларни ишлаб чиқариш жараёни намойиш этилди.
Бу борадаги халқаро тажриба жуда фойдали ва бундай ҳамкорлик келажакда жамиятда инклюзияга эришиш йўлидаги режаларда муҳим аҳамиятга эга экани таъкидланди.
Изоҳ (0)