Bugun,

  • USD 11095.31
  • RUB 173.84
  • EUR 10772.44

“Zamin” fondi Vasiylik kengashi raisi Ziroat Mirziyoyeva Qashqadaryo viloyatiga tashrifi doirasida 17-sonli nogironligi bor bolalar uchun ixtisoslashtirilgan maktab-internatida bo‘ldi.

Foto: “Zamin” fondi

Foto: “Zamin” fondi

Fond matbuot xizmati tomonidan e’lon qilgan suratlarda unga qizi — Maktabgacha ta’lim sohasi siyosatini shakllantirish va strategik rivojlantirish bosh boshqarmasi boshlig‘i Shahnoza Mirziyoyeva hamrohlik qilganini ko‘rish mumkin.

Qayd etilishicha, bu yerda fond ko‘magida Zamin Education informatika sinfi zamonaviy texnologiyalar bilan jihozlangan. Shuningdek, “Zamonaviy yordamchi asbob-uskunalar bilan jihozlash” loyihasi doirasida 24 ta frontal va 12 ta yakka tartibdagi o‘quv xonasiga zamonaviy FM tizimlari o‘rnatildi.

“Men eshityapman!” loyihasi doirasida Qarshidagi maktabning barcha o‘quvchilari diagnostikadan o‘tkazildi va 413 nafar o‘quvchiga ikkitadan zamonaviy raqamli eshitish apparati topshirildi.

Foto: “Zamin” fondi

Foto: “Zamin” fondi

Foto: “Zamin” fondi

Foto: “Zamin” fondi

“Bizning barcha harakatlarimiz sizning ertangi kuningiz uchun bo‘lyapti. Maqsadimiz aniq — chuqur bilim oling, bilimlaringizni hayotda qo‘llang va jamiyatda o‘z o‘rningizni toping. Umid qilamanki, siz ilm yo‘lida hech qanday to‘siqlarga uchramaysiz. Kelajakda katta zafarlarga erishasiz”, —  degan Ziroat Mirziyoyeva bolalarga qarata murojaatida.

Bundan avval Ziroat Mirziyoyeva Jizzax viloyatidagi maktab-internatlarda bo‘lgandi. Tashrif davomida “Zamin” fondi eshitish qobiliyati zaif bolalar ta’limini qo‘llab-quvvatlash dasturi doirasida maktablarga zamonaviy FM tizimlarini sovg‘a qilgan.

Izoh
Asosiy yangiliklar
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi 
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg