Нукусда алкотестер ўрнига бош кийимидан фойдаланган ЙПХ ходими акс этган видео тарқалган эди. Видео юзасидан Қорақалпоғистон ИИВ ЙҲХБ масъул ходимлари томонидан хизмат текшируви ўтказилаётгани ҳақида маълумот берилганди.
Текширув хулосасига кўра, хизмати мобайнида «Транспорт воситалари ҳайдовчиларининг маст ҳолатда эканлигини аниқлаш тартиби тўғрисидаги низом» ҳамда ички ишлар вазирининг айрим меъёрий буйруқлари талабларини бузганлиги учун Қорақалпоғистон Республикаси ИИВ ЙҲХБ ЙПХ инспектори З.Мадетовга нисбатан қаттиқ ҳайфсан интизомий жазоси қўлланиши белгиланди.
Бундан аввал Сирдарёда ЙПХ ходими алкотестер ўрнига бир марталик стакандан фойдаланишга урингани, Ўзбекистонда ҳайдовчини суратга олиш имкони бўлган янги алкотестерлардан фойдаланиш бошлангани ҳамда Андижонда ҳайдовчи билан қўпол муносабатда бўлган ЙПХ ходими ишдан ҳайдалгани ҳақида хабар берилганди.
Изоҳ (0)