Nukusda alkotester o‘rniga bosh kiyimidan foydalangan YPX xodimi aks etgan video tarqalgan edi. Video yuzasidan Qoraqalpog‘iston IIV YHXB mas’ul xodimlari tomonidan xizmat tekshiruvi o‘tkazilayotgani haqida ma’lumot berilgandi.
Tekshiruv xulosasiga ko‘ra, xizmati mobaynida “Transport vositalari haydovchilarining mast holatda ekanligini aniqlash tartibi to‘g‘risidagi nizom” hamda ichki ishlar vazirining ayrim me’yoriy buyruqlari talablarini buzganligi uchun Qoraqalpog‘iston Respublikasi IIV YHXB YPX inspektori Z.Madetovga nisbatan qattiq hayfsan intizomiy jazosi qo‘llanishi belgilandi.
Bundan avval Sirdaryoda YPX xodimi alkotester o‘rniga bir martalik stakandan foydalanishga uringani, O‘zbekistonda haydovchini suratga olish imkoni bo‘lgan yangi alkotesterlardan foydalanish boshlangani hamda Andijonda haydovchi bilan qo‘pol munosabatda bo‘lgan YPX xodimi ishdan haydalgani haqida xabar berilgandi.
Izoh (0)