Хитой ўзининг саккизта технологик компаниясига қарши санкциялар жорий этган АҚШни танқид қилди, деб хабар беради «Коммерсантъ». Пекиннинг ҳисоблашича, Вашингтон савдо қоидаларини қўпол равишда бузмоқда ва илм-фаннинг ривожланишга тўсқинлик қилмоқда.
Хитойнинг АҚШдаги элчихонаси матбуот котиби Лю Пенюй янги Америка санкцияларига изоҳ берган. Унинг маълум қилишича, Хитой АҚШни санкциялар қўллаш бўйича «нотўғри амалиётини зудлик билан тўхтатишга» чақирмоқда. Дипломат Пекин Хитой корхоналари ва илмий-тадқиқот институтларининг ҳуқуқ ва манфаатларини ҳимоя қилиш чораларини кўришини қайд этган.
Матбуот котибининг сўзларига кўра, АҚШ ўз ҳаракатлари билан «эркин савдо қоидаларини қўпол равишда бузиб, глобал саноат ва қиймат занжирлари хавфсизлигига жиддий таҳдид соляпти». Бундан ташқари, Вашингтон илм-фан ва технологиянинг ривожланишига тўсқинлик қилмоқда, шунингдек, барча мамлакатлардаги одамларнинг фаровонлиги ва манфаатларига»га жиддий путур етказяпти, шу жумладан, АҚШнинг ўзига ҳам.
Америка Молия вазирлиги Хитойдаги саккизта технологик компанияни мамлакат ҳарбийларига алоқаси борликда гумонлаб, санкция жорий этган. Чекловларга, хусусан, юзни таниш бўйича дастурий таъминот яратувчилар, шунингдек, суперкомпьютерлар ва видеокузатув тизимларини ишлаб чиқарувчилар дуч келган.
Мавзуга доир:
Хитой АҚШ ва Канадани Шинжон-Уйғур автоном ҳудуди туфайли Хитойга қарши уюштирган «хато ҳаракатларини» тузатишга ва Хитойнинг ички ишларига аралашишни бас қилишга чақирган.
Изоҳ (0)