Профессионал бокснинг супер енгил вазн тоифасида ҳаракат қилаётган ўзбекистонлик Шаҳрам Ғиёсов (12-0, 9 КО) 17 декабрь куни Тошкентда бўлиб ўтган бокс кечасида ўзининг навбатдаги жангини ўтказди.
Ғиёсовга аргентиналик Кристиан Кориага (29-9-2, 13 КО) қарши рингга кўтарилди. Тўлиқ 10 раунд давом этган жангда Шаҳрам Ғиёсов ҳакамларнинг якдил қарори билан ғолиб деб топилди.
Қайд этиш керак, бу Шаҳрам Ғиёсов учун профессионал фаолиятидаги 12-ғалаба бўлди. У бундан олдинги жангини 2021 йилнинг 3 апрель куни мексикалик боксчи Патрисио Лопес Моренога қарши ўтказиб, уни нокаутга учратган ва WBA International камарини ҳимоя қилганди.
Аввалроқ мазкур бокс оқшомида Дилшод Рўзметов, Иқболжон Холдоров, Элнур Абдураимов, Бектемир Мелиқўзиев ва Ҳасанбой Дўстматов ғалаба қозонганди.
Изоҳ (0)