Профессионал боксда ҳаракат қилаётган Иқболжон Холдоров (2-0, 2 КО) 17 декабрь, жума куни Тошкентдаги бокс кечасида иккинчи жангини ўтказди.
Холдоровга беларуслик Дмитрий Милюша (9-6-1, 4 КО) рақиблик қилди. 6 раундга мўлжалланган жанг биринчи раунддаёқ якунланди. Иқболжон бир қатор кучли зарбалар йўллади ва уч бор рақибини нокдаун ҳолатига туширди. Шундан сўнг ҳакам жанг якунланганини эълон қилди ва Холдоров нокаут эвазига ғалаба қозонди.
Шу тариқа Иқболжон Холдоров проф боксдаги иккинчи жангида ҳам ғалабани тантана қилди. У дебют жангини 2021 йилнинг апрель ойида танзаниялик Кулва Буширига қарши ўтказган ва уни 2-раундда нокаутга учратганди.
Изоҳ (0)