Бугун,

  • USD 11095.31
  • RUB 173.84
  • EUR 10772.44

Ижтимоий тармоқларда эшиги ярим очиқ ҳолатда «Пахтакор» метро бекатига кириб келаётган поезд видеоси тарқалди. Ҳолат юзасидан Тошкент метрополитени изоҳ берди.

Қайд этилишича, 15 декабрь санасида йўловчилар қатнови тиғиз бўлган вақтда «Чилонзор» йўлининг «Олмазор»—«Буюк Ipak yo‘li» йўналишларида юз берган.

Вазиятга аниқлик киритилишича, йўловчилар томонидан эшикка суяниш натижасида эшикка меъёридан ортиқ юклама тушиши сабабли ўша вақтда вагон эшикларининг блокиратори носоз аҳволга келган.

Машинист ушбу ҳолатдан хабар топган, аммо туннел ичида йўловчиларни ортиқча ваҳимага солмаслик учун «Халқлар дўстлиги» метро бекатидан «Пахтакор» метро бекатига етиб келган. Айнан шу бекатда вагон эшигидаги муаммо бартараф этилган. Ҳеч қандай бахтсиз ҳодиса рўй бермаган, жабрланганлар йўқ.

«Шу ўринда, метро йўловчиларидан, вагон эшикларига суянмаслик, эшиклар ёпилиш чоғида вагон ичига ва ташқарисига томон ҳаракатланмасликларини сўраймиз», — дейилади метрополитен хабарида.

Қайд этиш жоизки, март ойидан буён Тошкент метрополитени билан боғлиқ шу каби воқеалар тез-тез юз бермоқда. Хусусан, 18 март куни «Олмазор» (Чилонзор йўли) ва «Бекат-1» (Сергели йўли) орасидаги туннелда икки поезд «тўқнашганди».

9 апрель куни ижтимоий тармоқларда поезднинг очиқ эшиклар билан ҳаракати туширилган видео тарқалди. Шу билан бирга, метрополитендаги ерости ва ерусти поезд ҳаракатларининг бир нечта бошқа видеолари ҳам ижтимоий тармоқларда кўп бора муҳокама қилинди. 28 апрель куни эса туннелда тўхтаб қолган поезд ҳақидаги видео тарқалди, унда йўловчилар рельслар орқали ҳаракатланиб, бекатга етиб олгани тасвирланган. 13 май куни «Амир Темур хиёбони» бекатида барча йўловчилар тушириб юборилганди. 20 июнь куни «Олмазор» бекатида ҳам худди шу каби ҳолат юз берган, 28 август куни Тошкент метроси поездида кузатилган носозлик сабаб йўловчилар «Тошкент» бекатида тушириб қолдирилган, 20 сентябрь куни эса Тошкентда метро поезди «Ғофур Ғулом» бекатида тўхтаб қолганди.

22 сентябрда Халқлар дўстлиги» бекатида поезд вагонларидан бирининг эшигида носозлик кузатилган ва йўловчилар тушириб юборилган, 27 сентябрь куни ҳам поездда кузатилган носозлик сабаб йўловчилар бекатда тушириб қолдирилган.

Изоҳ
Асосий янгиликлар
Кино
Роли сабаб томошабинлар танқиди ва ғазабига учраган машҳур актёр ва актрисалар (фото)
Маҳаллий
Ўзбекистонда 25 ноябрь куни 124 кишида коронавирус аниқланди
Дунё
Путиннинг аскарлар оналари билан учрашуви фейкми? Ушбу учрашувда аслида кимлар қатнашгани маълум бўлди