Бугун,

  • USD 11095.31
  • RUB 173.84
  • EUR 10772.44

Ушбу қаҳрамонлар учун ёш шунчаки паспортдаги рақам. 50 ёшдан кейин ҳам улар тенденцияларга риоя қилишни ва замонавий кийинишни давом эттирмоқда.

Моника Беллуччи

Фото: «viva.ua»

Фото: «viva.ua»

Кўп йиллар давомида Моника услубини ўзгартирмасдан, ўзининг кийиниш борасидаги қонунларига риоя қилди. Актриса 57 ёшда бўлишига қарамай, бу унинг ижтимоий тадбирларда ҳам, кундалик ҳаётда ҳам ҳашаматли ва жозибали кўринишига тўсқинлик қилмайди.

Беллуччи бир неча бор қаришдан қўрқмаслигини, бундан ташқари, у ҳозирги кўринишини ёқтиришини айтиб ўтган. «Мен ҳеч қачон 20 ёшимга қайтишни хоҳламайман. Ҳозир мен ўша пайтдагидан кўра бахтлироқман, чунки у ёшда биз ўзимизни эндигина танишни бошлаймиз, ким бўлишни истаётганимизни тушунишга ҳаракат қиламиз, ўзимизга бўлган ишончсизликдан азоб чекамиз. Энди мен ўзимга нима кераклигини ва нимасиз яшашим мумкинлигини аниқ биламан»,– дейди актриса.

Жулианна Мур

Фото: Cosmopolitan

Фото: Cosmopolitan

Жулианна Мур 61 ёшда, лекин унга қараб, бунга ишониш қийин. Актриса кийим танлашда чекловларга эътибор бермайди ва мода тенденцияларини фаол равишда кузатиб боради. Жулианна мураккаб комбинациялардан қўрқмайди: у ўз либосларида турли хил ранг ва услубларни моҳирлик билан бирлаштиради ва янги тажриба ўтказишга қарор қилади.

Жиллиан Андерсон

Фото: Cosmopolitan

Фото: Cosmopolitan

Жиллиан эса классикани афзал кўради. Актрисанинг арсеналига нафис кўйлак, миди юбка, блузка ва кўфталар киради. Тасвирни визуал равишда жонлантириш ва унга аҳамият бериш учун у декоратив элементлардан, ранг билан тажрибалардан фойдаланади ва қоматни таъкидлашдан қўрқмайди.

Холли Берри

Фото: Cosmopolitan

Фото: Cosmopolitan

Холлининг 55 ёшида ҳам икки баравар ёшроқ кўринишини қандай тушунтириш мумкин. Актриса ёш кўриниши билан бирга замонавий кийинади. Холли зерикарли, қуюқ ранглардан қочади, ёрқин рангларни танлайди. Мураккаб бичимлар ва турли услублар бирлашмаси актрисага хосдир.

Женнифер Лопес

Фото: Cosmopolitan

Фото: Cosmopolitan

Женнифернинг паспортидаги рақамлар аралашиб кетган шекилли, 25 ўрнига кимдир 52 деб ёзиб қўйган. Бугун ҳам у йигирма йил аввалгидек гўзал ва жозибали кўринади. Бу нафақат ирсият, балки ўз устида доимий ишлаш билан ҳам боғлиқ. Қўшиқчи мунтазам равишда спорт билан шуғулланади, тўғри овқатланишга риоя қилади, кўп сув ичади, уйқу режимини назорат қилади, шунингдек, терига эҳтиёткорлик билан ғамхўрлик қилади.

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)