Ushbu qahramonlar uchun yosh shunchaki pasportdagi raqam. 50 yoshdan keyin ham ular tendensiyalarga rioya qilishni va zamonaviy kiyinishni davom ettirmoqda.
Monika Belluchchi
Ko‘p yillar davomida Monika uslubini o‘zgartirmasdan, o‘zining kiyinish borasidagi qonunlariga rioya qildi. Aktrisa 57 yoshda bo‘lishiga qaramay, bu uning ijtimoiy tadbirlarda ham, kundalik hayotda ham hashamatli va jozibali ko‘rinishiga to‘sqinlik qilmaydi.
Belluchchi bir necha bor qarishdan qo‘rqmasligini, bundan tashqari, u hozirgi ko‘rinishini yoqtirishini aytib o‘tgan. “Men hech qachon 20 yoshimga qaytishni xohlamayman. Hozir men o‘sha paytdagidan ko‘ra baxtliroqman, chunki u yoshda biz o‘zimizni endigina tanishni boshlaymiz, kim bo‘lishni istayotganimizni tushunishga harakat qilamiz, o‘zimizga bo‘lgan ishonchsizlikdan azob chekamiz. Endi men o‘zimga nima kerakligini va nimasiz yashashim mumkinligini aniq bilaman”,– deydi aktrisa.
Julianna Mur
Julianna Mur 61 yoshda, lekin unga qarab, bunga ishonish qiyin. Aktrisa kiyim tanlashda cheklovlarga e’tibor bermaydi va moda tendensiyalarini faol ravishda kuzatib boradi. Julianna murakkab kombinatsiyalardan qo‘rqmaydi: u o‘z liboslarida turli xil rang va uslublarni mohirlik bilan birlashtiradi va yangi tajriba o‘tkazishga qaror qiladi.
Jillian Anderson
Jillian esa klassikani afzal ko‘radi. Aktrisaning arsenaliga nafis ko‘ylak, midi yubka, bluzka va ko‘ftalar kiradi. Tasvirni vizual ravishda jonlantirish va unga ahamiyat berish uchun u dekorativ elementlardan, rang bilan tajribalardan foydalanadi va qomatni ta’kidlashdan qo‘rqmaydi.
Xolli Berri
Xollining 55 yoshida ham ikki baravar yoshroq ko‘rinishini qanday tushuntirish mumkin. Aktrisa yosh ko‘rinishi bilan birga zamonaviy kiyinadi. Xolli zerikarli, quyuq ranglardan qochadi, yorqin ranglarni tanlaydi. Murakkab bichimlar va turli uslublar birlashmasi aktrisaga xosdir.
Jennifer Lopes
Jenniferning pasportidagi raqamlar aralashib ketgan shekilli, 25 o‘rniga kimdir 52 deb yozib qo‘ygan. Bugun ham u yigirma yil avvalgidek go‘zal va jozibali ko‘rinadi. Bu nafaqat irsiyat, balki o‘z ustida doimiy ishlash bilan ham bog‘liq. Qo‘shiqchi muntazam ravishda sport bilan shug‘ullanadi, to‘g‘ri ovqatlanishga rioya qiladi, ko‘p suv ichadi, uyqu rejimini nazorat qiladi, shuningdek, teriga ehtiyotkorlik bilan g‘amxo‘rlik qiladi.
Izoh (0)