Фото: Фильмдаги образи учун бир неча йилга «қаришга» мажбур бўлган юлдузлар

Ижросидаги роли муваффақиятли чиқиши учун актёр ва актрисалар имижини кескин ўзгартиришга, бошқача қиёфада кўриниш беришга рози бўлади. «Домашний очаг» журнали экранда таниб бўлмас даражада кўриниш берган машҳурлар ҳақида маълумот бериб ўтади.

Брэд Питт — «Бенжамин Баттоннинг сирли ҳикояси»

Ушбу (The Curiouscase of Benjamin Button) фильмда қария сифатида кўриниш бериш учун Брэдд Питт 5 соат пардоз столи қаршисида ўтирган.

Кейт Уинслет — «Китобхон»

«Китобхон» (The Reader) фильмида Кейт Германия шаҳарларидан бирида трамвай кондуктори бўлиб ишлайдиган аёл ролини ижро қилган. Унинг қаҳрамони 20 йил қамоқда жазо муддатини ўташга мажбур бўлади.

Жонни Депп — «Қора Месса»

Актёр ушбу (Black mass) фильмда 19 та қотилликни уюштириб, шу билан бирга ФҚБга ишлайдиган Уайтри Балжер исмли қаҳрамонни гавдалантирган. Тақдири оддий кечмайдиган қаҳрамоннинг кўриниши Жоннининг асл қиёфасидан кескин фарқ қилади.

Мила Йовович — «Ёвузлик маскани»

«Ёвузлик маскани» (Resident Evil)нинг сўнги қисмида актриса 44 ёшга «қариган». Кекса кўринишга келтириш учун нақд 4 соат вақт сарфланган.

Гэри Олдмен — «Дракула»

Актёр Фрэнсис Форд Копполнинг фильмида Брем Стокернинг романидаги машҳур граф-вампир сифатида кўриниш берган.

Тильда Суинтон — «Гранд Будапешт меҳмонхонаси»

«Гранд Будапешт меҳмонхонаси (The Grand Budapest hotel)да Тильда бадавлат ва ғалати аёл ролини ижро қилган.

Жим Керри — «Лемони Сникет: 33 бахтсизлик»

Афсонавий комик «Лемони Сникет: 33 бахтсизлик» (Lemony Snicket’s a series of unfortunate events)да ёвуз граф — Олаф ролини ижро қилган.

Мерил Стрип — «Ўрмон ичида»

Классик эртаклар мотиви асосида суратга олинган (Into the woods) фильмда актриса ёқимсиз жодугар сифатида кўриниш берган.

Николь Кидман — «Кўл тепаси»

«Кўл тепаси» (Top of the lake) детектив сериалининг иккинчи мавсумида Николь ёши ўтган қаҳрамонни гавдалантирган.

Деми Мур — «Беқусур»

Ўғрилик ҳақида ҳикоя қилувчи фильм ( Flawless)да Деми Мур оқ сочли парик кийиб, ажинлар билан кўриниш берган.

Вайнона Райдер

18 яшар Вайнона «Қайчи қўл Эдвард» (Edward scissorhands)да кекса қаҳрамонни гавдалантиришдан чўчимаган.

Жулианна Мур — «Соатлар»

Актриса фақатгина экранда қариши мумкин. «Соатлар» (The hours) фильми экран юзини кўрганидан буён 17 йил вақт ўтганига қарамай, актриса тобора ёшараётгандек кўринади.

Наоими Уотс — «Ж.Эдгар»

Клинт Иствуднинг сиёсий драмасида барча: Наоми ҳам унинг ҳамкасби Леонардо Ди Каприо ва Арми Хаммер ҳам қарийди. Гап шундаки, фильмда воқеалар 60 йил давом этади.

Леонардо Ди Каприо — «Ж.Эдгар»

Арми Хаммер — «Ж.Эдгар»

Моника Белуччи — «Каркидонлар мавсуми»

Турк ва Эрон ижодкорлари томонидан ишланган (Fasle kargadan) драмада Моника ёши ўтиб, сочларини оқ босган қаҳрамон сифатида кўриниш берган.