Актёр ва режиссёр Саид Мухторов «Chotki Tv» YouTube-каналига берган интервьюсида собиқ рафиқаси, таниқли актриса Мадина Мухторова билан ҳозирга қадар дўстона муносабатларни сақлаб қолгани ҳақида гапирди.
«Биз Мадина Мухторова билан уруш-жанжал қилиб, мол талаб, уй-жой талаб қилмаганмиз. Бизнинг ҳалигача бошимизда отамиз бор, 85 ёшда. Ҳалигача у киши билмайди ажрашганимизни. Бу ҳақда ҳеч қаерда расман маълумот бермаганмиз. Бирор жойда эълон бермаганмиз. Болаларим, набираларим ҳаммаси ўзимиз билан бирга, бир оила бўлиб, охиратимизгача мана шундай яшашлик насиб қилсин. Биз бахтлимиз.
Мен унинг қаердалигини, соғ-саломатлигини билсам, ўзимни бахтли ҳис қиламан. У ҳам худди шундай. Бошқа гапим йўқ. Мадинанинг бошида ҳеч ким йўқ мендан бошқа. Менинг ҳам бошимда ундан бошқа ҳеч ким йўқ.
Изоҳ (0)