Сурхондарё вилояти Термиз шаҳридаги хонадонларнинг бирида ёнғин содир бўлди, дея хабар бермоқда Фавқулодда вазиятлар вазирлиги.
Қайд этилишича, 2021 йилнинг 13 декабрь куни соат 14:40 да Сурхондарё вилояти Термиз шаҳри «Боғишамол» МФЙ Алишер Навоий кўчасидаги хонадонлардан бирида ёнғин содир бўлаётгани тўғрисида шаҳар Фавқулодда вазиятлар бўлимига хабар келиб тушган.
Ёнғин-қутқарув экипажлари воқеа жойига соат 14:45 да етиб бориб, ёнғин 14:47 да қуршаб олинган ва соат 17:55 да ўчирилган. Қутқарувчиларнинг сай-ҳаракатлари натижасида уйнинг 30 квадрат метр майдони сақлаб қолинган. Шунингдек, ёнғиндан 5 нафар инсон қутқариб қолинган, шундан, 2 нафари вояга етмаган болалар.
Яшаш уйининг 22 квадрат метр майдондаги шифт қисми ва уй жиҳозлари ёнғиндан зарарланган.
Ҳодиса оқибатида жабрланганлар ва ҳалок бўлганлар йўқ.
Ҳозирда ёнғин сабаби ва келтирилган зарар миқдори аниқланмоқда.
Изоҳ (0)